Psa 126 | MNA | STEP | Mboe kizin wal ta tizalla pa Yerusalem Indeeŋe kar Sion isaana kat na, Yooba iuulu kar kini ma imbot ambai mini. Tabe ikam ma lelende ambai kat. Mi tamen tuurla kat som. Toso “Mbulu ti, ko ŋonoono? Ko tere miuŋana ma iŋgi.”

aMbo 14:7, 85:1

bMk 4:2+; Ŋgo 20:19,31; 1Kor 3:6+; 2Kor 2:4

Psalms 126

Mboe 126

Zin Israel tisuŋ be Anutu iuulu zin

Mboe kizin wal ta tizalla pa Yerusalem

1 Indeeŋe kar Sion isaana kat na, Yooba iuulu kar kini ma imbot ambai mini.
Tabe ikam ma lelende ambai kat. Mi tamen tuurla kat som. Toso “Mbulu ti, ko ŋonoono? Ko tere miuŋana ma iŋgi.” ^a
2 To lelende ambai kat mi teseeŋge.
Mi kalŋanda isala ma tombo mboe raama menmeen ti.
Indeeŋe tana, zin karkari tire ti ma tiso:
“Wai, Yooba ikam uraata bibip pizin Israel!”
3 Mi ina ŋonoono. Yooba ikam uraata bibip kat piti.
Tanata lelende ambai kat.

4 Tamen Yooba, koozi amsaana mini. Tana amsuŋu: Uulu yam ma ambot ambai mini, kembei ta kamam pa lele pakaana ki Negeb na.
Lele tana na, ka yok somŋana. Mi nu kamam ma yaŋ izzu, tabe yok tireere pa.
5 Zin wal ta tiwaswaaza kini raama tiŋiizi na,
kaimer ko kalŋan isala mi tiŋgaama raama menmeen zin. ^b
6 Mi zin wal ta titaŋtaŋ mi tibaada kini iweniwen ma tila mokleene na,
kaimer ko timiili raama kini ŋonoono, mi kalŋan isala ma menmeen zin.